Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
- Bere jarduerak Euskadin 2021ean izango duen eragin ekonomikoa 49,93 milioi eurokoa izango da
- 693 enplegu egonkorri eustea ahalbidetu da, eta Garapen Jasangarriko 8 helburu, 20 ekimen eta 32 ekintza bete dira
- 267 kultur antzezpenek eta 235 Meetings&Events ekitaldik % 78an okupatuta izan dute
Bilbon, 2022ko apirilaren 20an
Euskalduna Bilbaok 2021eko trantsizioko emaitzen bermearekin, eta 4 milioi euroko fakturazioa ekarri dion egitarauaren normaltasunera pixkanaka itzuliz egingo dio aurre 2022ari. Nabarmentzekoa da kongresuen kopurua handitu egin dela, aurreko ekitaldiko zifrak ia hirukoiztuz, Meetings&Events direlakoei dagokienez.
Guztira, Euskalduna Jauregiak 2021ean 502 ekitaldi, 267 kultur emanaldi eta 235 Meetings & Events hartu zituen, eta horien diru-sarreren kopurua 4 milioi eurora igo da, 2021ean % 78ko okupaziora iritsiz.
Euskalduna da lurraldeko kultur eragile nagusia. Diru-sarrerak % 37,56 hazi dira, eta 49,93 milioi euroko eragina izan du Euskadiko BPGan.
Meetings & Events izenekoak sendo itzuli dira Euskaldunara
Meetings & Events direlakoek Euskalduna Jauregiarekiko lehentasuna sendotu dute, 235 ekitaldirekin; guztira 1,8 milioi euroko diru-sarrerak ekarri dituzte, % 46,22ko fakturazioarekin. Eremu geografikoari dagokionez, fakturazioaren % 54,85 ekarri duten eskualde mailako 218 Meetings & Events ekitaldiak nabarmendu behar dira; Estatu mailako kongresuek % 40,43 hartu dute, aurrez aurreko ekitaldien % 78ko jarduerarekin.
Kongresuek ere Euskalduna Jauregia aukeratu dute euren topaketa nagusiak ospatzeko. Guztira 16 izan dira. Hiru handienak 1.000 lagunetik gorakoak izan dira. Gainera, 2021. urtean bikoiztu egin da aurreko urtearekin alderatuta egin diren hitzorduen kopurua.
Guztira, kongresu-jardueratik, batzarretatik eta biltzarretatik 1,8 milioi euroko diru-sarrerak lortu dira 2021ean eta hori oso emaitza positiboa izan da trantsizio-urte honetan.
Kalitatezko kultur eskaintza, suspertze-fasean
Euskalduna Jauregiak jende guztiarentzako kultur eskaintza oparoa eskaini du, Bizkaiko kultur programazioa urtean zehar aberastu duten musika klasiko kontzertuak, pop-rocka, errezitaldiak, balleta, opera, antzerkia, musikalak eta bestelako ikuskizunak. Helburu hori 267 emanaldiren bidez bete du (11 ikuskizun eta 15 emanaldi euskaraz hartu ditu, 5.059 ikuslerekin), balantze kultural ona erakutsiz. Horrek berretsi egiten du ohitura propioak eta kanpokoak Euskalduna Jauregiaren bereizgarriak direla. Jarduera horrengatik 1,5 milioi euro jaso ditu, fakturazioaren % 38,14koa, hain zuzen ere.
Urtean zehar sortutako kultur jarduerari eutsi egin zaio, 267 emanaldi izan ditu guztira, eta bere hiru programa nagusiak ere azpimarratu behar dira: Aurrera Fest (tokiko kultura sustatzeko 38 ekitaldi), Aste Nagusia (Euskalduna Bilbaok bere antzerki-eskaintzari eutsi dio) eta Gabonak (32 ikuskizun eta 56 emanaldi).
Antzerki-ikuskizunak izan ziren ugarienak (90), eta kopuru horrek ere goranzkoa bidea izan zuen; atzetik, orkestra-kontzertuak (81), Pop-Rock kontzertuak (39), beste kontzertu eta errezitaldiak (13), banden kontzertuak (10), opera (9) eta ballet-dantza (8), Musika-Música (8), film-emanaldiak (8) eta gizarte-ekitaldietako emanaldiak eta ikuskizunak (1). Ez da ahaztu behar Euskaldunak urtero antolatzen dituen ekitaldi kulturalen agenda oparoa duela. Ekitaldi horiek bost denboraldi egonkor eta kalitatezko dituzte, BOSek (Bilbao Orkestra Sinfonikoa), OLBE Bilbao Operak, Euskadiko Orkestrak, Musika-Música eta BilbaoMusikak antolatuta.
Diru-sarreren goranzko bilakaera 2021ean
Gauzak horrela, aurreko ekitaldiarekin alderatuta Euskalduna Jauregiak diru-sarreren goranzko bilakaerarekin itxi du 2021a, % 37,56ko igoerarekin, hain zuzen ere. Horri bere jarduerak Euskadiko BPGan duen eragin ekonomikoa gehitu behar zaio, izan ere 49,93 milioi eurora iristen da. Eragin horri esker, 693 lanpostu iraunkorri eutsi zaie, eta 5,22 milioi euroko diru-sarrerak sortu dira Ogasun Publikoarentzat.
Gainera, Euskalduna Bilbaon Garapen Jasangarriko Helburuak bete ditugu (3 Osasuna eta Ongizatea) (4 Kalitatezko Hezkuntza) (5 Genero Berdintasuna) (8 Lan duina eta hazkunde ekonomikoa) (9 Industria, berrikuntza eta azpiegitura) (11 Hiri eta komunitate jasangarriak) (13 Klimaren aldeko ekintza) (17 Aliantzak helburuak lortzeko), 20 ekimenekin eta 32 ekintzarekin.
Euskalduna Bilbaok egoera soziosanitario guztietara egokitzen jakin izan du, edukiera eta ordutegiak murriztu eta mugikortasun geografikoa mugatu den urte honetan.
