Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Telebistako Dakris magoak, Magiaren Sari Nazionala irabazi duen ilusionismoaren fenomeno berrietako batek, “Ya no me ves” ikuskizun harrigarria aurkeztuko du Euskaldunan; bertan, ilusioa, umorea, efektu harrigarriak eta magia ardatz dituen mundu batera eramango ditu ikusleak. Ikusgai jarriko du ikusten ez dena.
Mutiko ikusezina ezizenaz ezaguna, Dakris Discovery Max telebista-kateko ilusionista izan da “El Mago Pop” saioan. Bertan, Ricky Rubiorekin, Alaska eta Mariorekin, Mireia Belmonterekin, Sergio Dalmarekin, Roca sukaldariburuekin, Jorge Lorenzorekin, Jordi Cruzekin, David Bustamanterekin eta beste hainbat pertsonaia ospetsurekin aritu izan da. Gainera, Antena 3ko “El hormiguero” eta “1, 2, 3…Hipnotizame 2” saioetan ere hartu du parte.
Duela zenbait hilabete, Dakrisek ilusioarekin zer egin daitekeen erakutsi zuen: Bartzelonako Familia Sakratu ospetsuaren parte bat desagerrarazi zuen; ume bihurtu zen, eta, azkenik, ikusezin bihurtu zen, taberna bateko mahai baten aurrean zegoen bitartean. Haurtzarora itzultzen zen bideoak sekulako arrakasta lortu zuen ordu gutxiren buruan, eta 6 milioi aldiz erreproduzitu zen. Ordura arte, David Copperfieldek bakarrik lortua zuen ilusio hori egitea, duela 20 urte baino gehiago. Ordura arte, mago batek ere ez zuen lortu ikusezin bihurtzea.
