Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Jaialdiaren laugarren edizio honek ekoizpen propioaren aldeko apustua egiten du, eta 0 km-ko arte eszenikoei hiriburuko kultur egoitza garrantzitsuenetako batean aritzeko aukera ematen die
Antzerkia, musika, dantza... Bizkaiko Foru Aldundiaren ekimena kultur zirkuituan sartzeko aukera paregabea da, sorkuntza arlorik kanpo uzten ez duena
Izena emateko epea ekainaren 30eko eguerdian amaituko da eta aukeratutako proposamenak jasotzen dituen kartela uztailaren 21ean jakinaraziko da
Bilbo, 2023ko ekainak 16
Euskalduna Bilbaok bere eszenatokia bertako diziplina artistikoen sustapenaren eskura jarri du berriro. Apustu hau sendotu egin da laugarren deialdi honetan, ohiko zirkuitu komertzialetara iritsi ez den eta, beraz, bultzada behar duen sorkuntza artistiko guztia babesteko helburuarekin. Gaur, ekainak 16, irekiko da izena emateko epea. Hautagai guztiek muntaiari buruzko datuak bidali behar dituzte ekainaren 30eko 12:00ak baino lehen, events@euskalduna.eus helbide elektronikoan.
Bizkaiko Foru Aldundiaren ekimen hau sormen diziplinak jorratzen dituzten bertako artistei zuzentzen da, eta lurraldeko eszenatoki garrantzitsuenetako batean aritzeko aukera ematen die. Izan ere, 2023ko Aste Nagusian, berriz ere, lehiaketarako bi areto gordeko ditu. Euskalduna Bilbao leku paregabea da lurraldeko kultura sustatu eta honi merezi duen garrantzia emateko, baita ere mundu profesionalera jauzia eman nahi duten artistei plataforma sendoa eta behar bezalako oihartzuna emateko.
Gaur, ekainak 16, irekiko da izena emateko epea. Hautagai guztiek muntaiari buruzko datuak bidali behar dituzte ekainaren 30eko 12:00ak baino lehen, events@euskalduna.eus helbide elektronikoan.
Uztailaren 3tik aurrera, erakundeak berak jakinaraziko die hautagaitzari buruzko azken ebazpena. Uztailaren 21ean argitaratuko da aukeratutako proposamenekin osatutako behin betiko kartela, Aurrera Fest! 2023.
Kultur zirkuituan sartzeko aukera honek ez du sorkuntzaren arloko diziplina bat ere baztertzen. Aukeratutako hautagaitzen emanaldiak abuztuaren 18tik irailaren 10era bitartean, biak barne, izango dira, Euskalduna Bilbaoren 2023ko Aste Nagusiaren programazioan zehar.
Aurrera Fest! 2023 festibalaren oinarriak: Aurrera fest 23 Eusk
