LEHEN MAILAKO ARRETAREN ARLOKO 1.500 PROFESIONAL BILDUKO DIRA ASTE HONETAN EUSKALDUNAN, SEMG-REN XXVIII. KONGRESU NAZIONALEAN

• Formatu hibridoko ekitaldia izango da, 1.478 lagun bertaratuko dira Euskaldunara ostegunetik larunbatera bitartean, eta 3.396k streaming bitartez jarraituko dituzte eduki guztiak.
• Antolatzaileek ziurtatu dute hitzorduak eragin ekonomiko handia izango duela Bilbon; kalkulatzen denez, parte-hartzaile bakoitzak batez beste 1.500 euro utziko ditu hirian
• Kongresuak iraungo duen sei egunetan 84 saio emango dira guztira 134 adituren eskutik, ‘Berregokituz, Familiako Medikuntzaren balioak galdu barik’

Bilbon, 2022ko ekainaren 8an. Aste honetan (ekainaren 7tik 11ra) Medikuntza Orokor eta Familiakoaren XXVIII. Kongresu Nazionala egingo da Bilboko Euskaldunan, Medikuntza Orokor eta Familiakoaren Espainiako Elkarteak (SEMG) antolatuta.

Antolakuntzatik jakinarazi dutenez, sei egunetan zehar ekitaldiak Lehen Mailako Arretaren arloko 4.874 parte-hartzaile bildu nahi ditu guztira. Horietatik 1.478 aurrez aurre bilduko dira ostegunetik larunbatera bitartean Euskaldunan, eta 3.396k online jarraituko dituzte eduki guztiak, Espainiatik zein kanpotik. Esperientziak, ikerketak, ezagutzak eta balioak partekatuko dituzte, pazienteen arreta hobetzeko helburuarekin.

Kongresuaren antolakuntzatik jakinarazi dutenez, hitzorduak eragin ekonomiko handia izango du Bilbon, izan ere, kalkulatzen denez, parte-hartzaile bakoitzak batez beste 1.500 euroko gastua egingo du hirian.

SEMGen kongresu nazionalak irauten dituen sei egunetan 84 saio emango dira guztira, 134 adituren eskutik. Batzorde zientifikoak 891 jakinarazpen onartu ditu, eta horietatik 8 sarituko dira.

SEMGen XXVIII. Kongresuaren leloari dagokionez, ‘Berregokituz, Familiako Medikuntzaren balioak galdu barik’, antolatzaileek azaldu dutenez, “une zailetan bada ere, mediku orokorrek eta familia-medikuek une bakoitzeko arreta-jardunbidera berregokitzen jarraituko dute, balioak galdu barik, eta behar duten guztien ondoan jarraituz.”

SEMGek kongresu erakargarri eta interaktiboa egin gura izan du biltzarkideekin, haiek izan daitezen kongresuko prestakuntza-jardueren protagonistak, hitzaldi magistraletatik hasi eta hainbat tailerretara; horietan, parte-hartzaileak izango dira euren prestakuntzaren eragile nagusiak, ezarritako helburuak lortzeko gidari bikainak izango diren esparru guztietako erreferentziazko profesional adituen eskutik.

Informazio gehiago jasotzeko jarri harremanetan:

Sonia Morales (Comunicación SEMG)

626 301 370  // gabinetecomunicacion@semg.es