Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Euskalduna Bilbaok amaiera eman zion AIPC Annual Conference 2026 kongresuari eman zion pasa den asteazkenean, kongresu eta biltzarren industriako nazioarteko topaketa nagusia. Lau egunez, Bilbok 35 herrialdetatik etorritako kongresu-jauregi nagusietako 170 zuzendaritza- eta kudeaketa-arduradun baino gehiago hartu zituen. Parte-hartze errekorra izan zuen edizio honetan, Bilbo nazioarteko bileren industriaren etorkizunari buruzko eztabaidaren erdigune bihurtu zen, berrikuntza, adimen artifiziala, jasangarritasuna eta ekitaldiek komunitateetan duten eragina bezalako gaiak jorratuz.
Nazioarteko ordezkaritzen balorazioak bikainak izan dira, bai Euskalduna Bilbaori, bai Bilbori eta lurralde osoari dagokienez. “Balantzea ezin da positiboagoa izan. Egun hauetan munduari erakusteko aukera izan dugu, maila goreneko kongresu-jauregi bat ez ezik, nortasunari eutsiz bere burua berrasmatzen jakin duen hiri eta lurralde bat ere badugula. Parte-hartzaileen balorazioak apartak izan dira, eta Bilbok eta Bizkaiak nazioarteko kongresu handien helmuga izaten jarraitzeko beharrezko osagai guztiak dituztela berresten dute”, adierazi du Iñigo Iturratek, Euskalduna Bilbaoko zuzendari nagusiak.
Euskalduna Bilbaorentzat, gainera, konferentzia hau hartzeak esanahi berezia izan du. AIPCk 2003an Munduko Kongresu Jauregirik Onena izendatu zuenetik hogei urte baino gehiago igaro ondoren, elkarteak berriro ere Euskaldunarengan jarri du konfiantza urteko konferentzia nagusia bertan egiteko. Mugarri honek Euskaldunaren nazioarteko posizionamendua indartzen du, eta Bilbok zein Bizkaiak nazioarteko mailako topaketa profesional handiak hartzeko duten gaitasuna erakusten du.
