Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Lankide eta lagun agurgarriak,
Plazer handia da guretzat Gaitz Infekziosoen eta Mikrobiologia Klinikoko Espainiako Elkartearen XXIX. Kongresuan parte hartzera gonbidatzea. Jardunaldia aurrez aurre egingo da Bilbon, 2026ko maiatzaren 28tik 30era.
Malagan 2025ean egindako azken kongresua arrakasta handia izan zen, bai parte-hartze handiagatik, baita saioen kalitate zientifikoagatik ere. Lorpen horrek gogotsu bultzatzen gaitu edizio berri honi ekiteko. SEIMCeko Batzorde Zientifikoa programa handinahi eta eguneratu bat prestatzen ari da; bertan, formatu ezberdinetako saio zientifikoak eskainiko dira eta gure arloko gai garrantzitsuenak jorratuko dira, erronka berriei zein diagnostiko- eta terapia-berrikuntzei arreta berezia eskainiz. Beti bezala, programak gure bazkideen eta SEIMCeko azterketa-taldeen proposamenak jasoko ditu. Halaber, industriaren laguntza izango dugu, gure Babesleen sinposioetan euren azken aurrerapenak partekatuko baitituzte.
Ziur gaude Bilbo egoitza bikaina izango dela. Bere erakargarritasun kulturalak, bere abegikortasun ezagunak eta Kongresu Jauregiaren instalazio bikainek ingurune ezin hobea eskaintzen dute topaketa hau, zalantzarik gabe, aparta izan dadin, bai arlo zientifikoan, bai gizarte-arloan.
Ilusio handiz itxarongo zaituztegu Bilbon.
Matilde Sánchez Conde Batzorde Zientifikoko presidentea
Francisco Javier Membrillo de Novales SEIMCeko presidentea
