Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Laborategiko Animalien Zientzien Espainiako Elkartearen (SECAL), 1989an sortua, datorren kongresu nazionala Euskalduna Bilbaon izango da, laborategiko animalien erabilerari eta zaintzari eskainitako profesionalen arteko topagune nagusi gisa sendotuz.
600 kide baino gehiagorekin, SECALek zaintzaileak, teknikariak, ikertzaileak eta zentro zientifikoetako arduradunak biltzen ditu, bai erakunde publikoetakoak baita pribatuetakoak ere.
Kongresu honen edizioak ‘One Health’ (Osasun Bakarra) ikuspegian oinarritzen da, ekitaldiaren logo ofizialean ere islaturik dagoena, eta osasunaren ikuspegi integratzaile bat sustatzen du: giza, animalia eta ingurumen osasuna lotzen dituena. Kontzeptu honen baitan, diziplinarteko elkarrizketa bultzatuko da, animalia-ereduen erabilerak gizakien gaixotasunen tratamenduan duen ekarpena azpimarratuz. Edizio honetan, iktusa eta esklerosi lateral amiotrofikoa izango dira programaren puntu nabarmenetako batzuk.
Horrez gain, SECALen eta Espainiako Biosegurtasun Elkartearen (AEBios) arteko lankidetza estuari esker, animaliekin lan egiten duten instalazioetan biosegurtasunari buruzko saio bereziak ere jasoko dira programan. Horiek sektorean jardunbide egokien eta lan-baldintzen inguruko hausnarketa eta eguneratzea ahalbidetuko dute.
Bilbo izango da topagune egokia ezagutza eguneratzeko, esperientziak partekatzeko eta laborategiko animalien erabilera etiko eta arrazoituaren inguruko sinergiak ezartzeko, betiere giza eta animalia osasunaren zerbitzura.
