Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Bilbok laugarren aldiz hartuko du SEUPen Urteko Bilkura, bere 30. edizioa ospatuko duena; pozgarria da hori, eta erronka berria antolakuntzan parte hartzen duten pertsona guztientzat.
Bilbok 2015ean hartu zuen azkenekoz gure urteko ekitaldi zientifikoa. Orduan ere gure hiriak izandako eraldaketa handiaz hitz egiten genuen; hamar urte geroago, eraldaketa horrek esparru profesional eta enpresarial guztietako ekitaldi anitzen egoitza eta lehen mailako helburu turistiko bihurtu du. Bilbo hiri abegikorra da, goi-mailako kultur eta gastronomia-eskaintza duena, eta bisitatzeko erosoa, oinez zein garraio publiko modernoak erabiliz. Gure egoitza, aurrekoetan bezala, Euskalduna Jauregia izango da, hiriko ekitaldi artistiko nagusiak eta elkarte zientifiko garrantzitsuenen nazioko eta nazioarteko biltzarrak hartzen dituen lekua. Kokapenagatik, instalazioengatik eta giza baliabide zein baliabide teknikoengatik, leku ezin hobea da lana eta aisialdi-uneak partekatzeko.
Gure espezialitatea, Larrialdietako Pediatria Medikuntza, garapen-une garrantzitsu batean dago, Pediatriako Gaitasun Espezifikoko Arloaren maila lortzeko zain, espezialitatean prestakuntza-programa ofiziala izan dezan. Programa horrek zentroen eta profesionalen irakaskuntza-egiaztapena sustatuko du, eta Larrialdietako Pediatraren konpetentziak eskuratzea bermatuko du. Gainera, teknologia berrien agerraldia eta horiek ekar dezaketen berrikuntza —bai profesionalen prestakuntzan, baita praktika klinikoan ere— aukeratzat hartu behar da, Pediatriako Larrialdi Zerbitzuetara doazen haurrei eta familiei kalitate eta segurtasun handiagoko arreta eskaintzeko. Edizio honetako leloak, “Berrikuntza eta Gaitasunak Integratzen”, errealitate hori bere gain hartzen du eta gure asmoa adierazten du: topaketa-egun hauen zati handi bat mundu digitaletik eta teknologikotik datorrena etengabeko prestakuntza espezializatuan, ikerketan eta eguneroko asistentzia-lanean segurtasunez nola txertatu eztabaidatzera bideratzea.
Gure asmoa da zuen egonaldiaz gozatzea; horregatik, biltzarrera etortzera, zuen komunikazioak bidaltzera eta saioetan aktiboki parte hartzera animatzen zaituztegu. Azkenik, antolakuntza-batzordeko kideok ilusio handiz ari gara SEUPen XXX. Urteko Bilkura hau prestatzen, eta hemen itxarongo zaituztegu datorren urteko maiatzaren 14tik 16ra.
