Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Alejandro Echevarría – Etorkizuna Komunikatzen Fundazioak Alejandro Echevarría Sarien IV. edizioa ondu du; ekitaldi hori funtsezko mugarria da desinformazioaren aurkako borrokan oinarritzen den fundazioaren misioan. Sarien bidez, informazio egiazkoaren eta arduratsuaren alorreko jardunbiderik bikoitzak goraipatu eta sustatu nahi dira, gizarte osoarentzat eredugarri izan daitezen eta egungo desinformazioaren hedapenari hesia jar diezaioten.
Edizio honetan ere, Letizia Erregina Andrea izango da Ohorezko Presidentea. Guztira zazpi sari banatuko zaizkie —hainbat jarduera-sektoretako hamasei adituk osatutako epaimahai baten irizpideei jarraiki— ereduzko jokabidea erakutsi duten pertsona, proiektu edota erakundeei.
Enpresa eta komunikazio munduko izen handiko pertsonalitateek banatuko dituzte sariak; besteak beste, Jesús Suárez jaunak (Bankoa/Abancako zuzendari nagusia), Bilboko Udaleko ordezkariek, Lucía Angulo andreak (McCann Worldgroup España eta McCann Españako CEOa) edota Iberdrola konpainiak.
Ekitaldiak iraun bitartean, hiru mahai-inguru eratuko dira askotariko adituren partaidetzarekin. Solasaldi horietan, ondoko hizlariek hartuko dute parte, besteak beste: Belén Frau (Ingka Group/IKEA taldeko Global Communication Managerra), María Moya (Prodigioso Volcán agentziako kofundatzaile eta CEOa), Clara Jiménez (Malditako CEO eta fundatzailea), Miguel López Quesada (Dircom-eko presidentea), Koro Castellano (Etorkizuna Komunikatzen Fundazioko presidenteordea), David Sainz-Maza (iKor-eko COOa) eta Santi Pisonero soziologo eta ikertzailea.
Hizlari horiek guztiek desinformazioak enpresa-sarean duen eraginari buruzko ikuspegia partekatuko dute; halaber, berrikuntzak eta teknologiak fenomeno horren hedapena geldiarazteko eskaintzen dituzten aukerak aztertuko dituzte eta, amaitzeko, gaitz horren aurrerapena eragozteko eman ditzakegun erantzun estrategikoak proposatuko dituzte.
Ekitaldi hau aukera paregabea da material esklusiboa eskuratzeko, sektoreko liderren adierazpenak bertatik bertara ezagutzeko eta informazio egiazkoa sustatzeko zein hainbat esparrutan desinformazioari aurre egiteko testuinguru aditua izateko.
