Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
B-Venture estatu mailako ekintzailetzaren sektoreko erreferentziazko ekitaldia, Euskalduna Bilbaon izango da. Honetan korporazio, inbertitzaile eta arrisku-kapitaleko enpresa handienetako batzuk (besteak beste, Indra, CAF Ventures, Acciona, Microsoft, Iberdrola, Metxa, Banco Sabadelleko BStartup, Laboral Kutxa, Plug & Play Spain, Lanzadera eta Adara Ventures) bilduko dira. Proiektu honek bost urte daramatza martxan eta aurreko edizioetan 400 startup baino gehiagok parte hartu zuten, horietatik 96 lehiaketara aukeratuak izan zirelarik. Oraingo honetan, 25 startup aurkeztuko dira kongresura.
Biltzarra egiten den bi egunetan, hitzaldi ugari emango dituzte ekintzailetzaren arloko adituek. Era berean, sektore hori ikuspegi praktikoago batetik erakusten duten tailerrak ere egingo dira, baita hainbat mahai-inguru ere, ikuspuntu ezberdinak aztertu, hauei buruz eztabaidatu eta egungo eta etorkizuneko erronken aurrean irtenbideak bilatzen saiatzeko.
