Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Bizkaiko, Gipuzkoako eta Arabako Foru Aldundiek InBlock Euskadira hurbilduko dute
InBlock Faktoringeko Espainiar Elkarteak (AEF) bultzatutako plataforma berri bat da, enpresa txiki eta ertainei (ETE) merkataritza-kredituak finantzatzen laguntzeko, fakturak blockchain teknologiaren bidez egiaztatzea eta baliozkotzea ahalbidetuko duena.
InBlock azken bi urteotan hamar (10) finantza-erakundek garatu dute, besteak beste, Euskal Ogasun Foralen laguntzarekin.
Horregatik, datorren asteartean, hilak 4, Bilboko Euskalduna Jauregian aurkeztuko da Euskadin.
Jardunaldia 09:30ean hasiko da, Carlos Dalmau AEFko presidentearen hitzaldi batekin.
Ondoren, Enrique Fernández Albarracín EYko bazkideak (Proiektuaren Aholkulari eta Hornitzaile nagusia) plataformaren funtzionamenduaren deskribapena egingo du.
Jarraian, bi mahai-inguru izango dira, Foru Aldundietako eta proiektuan parte hartu duten hiru finantza-erakundetako (Kutxabank, Laboral Kutxa eta BBVA) kideen parte-hartzearekin.
Eta Itxaso Berrojalbiz Bizkaiko Ogasun eta Finantza diputatuaren hitzekin amaituko da.
