Zaharkitutako nabigatzaile bat erabiltzen ari zara
We strongly recommend any of the search engines listed here under for optimum web site visualization: Google Chrome, Mozilla Firefox or Internet Explorer 11. Thank you very much.
Kalitaterako Espainiako Elkarteak (AEC) 2026ko maiatzaren 20an eta 21ean, Bilboko Euskalduna Jauregian, Automobilgintzako Kalitatearen 30. Kongresua antolatuko du. Aurtengo leloak sektoreak aurrean dituen erronkak eta aukerak inoiz baino hobeto islatzen ditu: People – Digitalization – Competitors – AI_Agility.
Automobilgintza aurrekaririk gabeko eraldatze-etapa bat igarotzen ari da: teknologia berriek, adimen artifizialaren agerpenak, digitalizazioak, lehiakide globalen etengabeko presioak eta egoera geopolitikoak ereduak birpentsatzera behartzen dute industria. Gaur egun, inoiz baino gehiago, time to market delakoak markatzen du lider izatearen edo atzean geratzearen arteko aldea.
Gainera, aldaketa-agertoki honetan, ez dugu ahaztu behar benetako motorra pertsonak direla beti. Beraien talentuarekin eta konpromisoarekin erronkak lorpen bihurtzen dituztenak dira. Sektoreak eskatzen dituen kalitatea, berrikuntza eta arintasuna beraien ikasteko, egokitzeko eta liderra izateko duten gaitasunaren mende daude.
Kongresu hau funtsezko topagunea da; bertan, sektoreko adituek esperientziak, jardunbide egokiak eta ikuspegi estrategikoak partekatuko dituzte, hobeto lehiatzen eta balioa sortzen laguntzeko, eta, horrela, erakundeak aldaketetarako prest daudela ziurtatzeko.
Azken finean, hitzordua elkarrizketarako eta lankidetzarako gunea izango da, automobilgintza arinago, digitalago eta, batez ere, gizatiarrago baterantz bidea markatzeko.
